Guida tur til Selja kloster | Sommer sesong

Dato: Laurdag 20 jun 2020 - laurdag 26 sep 2020

Folk har reist hit i over 1000 år, for å oppleve Norges første pilgrimsstad, med unik kultur frå vikingtida og middelalderen. På øya Selja, ligg Selja kloster, som sannsynlegvis er det eldste klosteret i Norge.

Bli med på ei reise tilbake i tid!

Turen startar i Selje Sentrum der klosterbåten “Selja”, tek deg med på den 15 minutter lange båtturen ut til Selja Kloster.

Når du stig i land på Selja, er det som å reise tilbake i tid. Våre guidar vil ta deg med på denne reisa og fortelje den spennande historia om Sankt Sunniva og Selja Kloster. Du kan vandre i dei same gangane som benediktinermunkane vandra for over 700 år sidan, og gå opp den smale trappa til toppen av klostertårnet. Følg i Sankt Sunniva sine fotspor opp stien til den heilage Sunnivahola, og nyt den spektakulere utsikta over klosteranlegget. Kanskje du vil smake på vatnet frå den helbredande Sunnivakjelda?

Båtturen er ei naturoppleving i seg sjølv. På turen ut går vi på nordsida av øya der du har utsikt mot sørsida av Stadthalvøya og det berykta Stadthavet. Herifrå kan du studere dei bratte klippene som omslyngar den historiske staden Drage, der Vikingane drog skipa sine over fjellet for å unngå å forsere Stadthavet. På turen tilbake går vi på sørsida av øya, der du har utsikt mot Kråkenes fyr, Skognsnes fyr, Silda, Barmen og det planlagte innløpet til Stad Skipstunnell. Trekk inn den friske sjølufta og nyt utsikta. Er vi heldig, får vi selskap av havørn på turen.

Vis meir

Bestill no

Totalpris
Velg dato:
Build: 31.03.2020 12:59:26, Host: online3core18, DB: o3.cbguide-8585.cbischannel-31800.v1 online3data03.db.citybreak.com:8080, Controller: Activity, Action: showdetails